Mótafyrirkomulag

Reglur um Norðurlandsmótaröð

Golf er fyrir alla – bara gaman      

1.      Norðurlandsmótaröð barna og unglinga

Eftirfarandi golfklúbbar eru aðilar að mótaröðinni:

·        Golfklúbbur Akureyrar

·        Golfklúbbur Dalvíkur

·        Golfklúbbur Húsavíkur

·        Golfklúbbur Ólafsfjarðar

·        Golfklúbbur Sauðárkróks

·        Golfklúbbur Siglufjarðar

 

Fjögur til fimm mót eru haldin á sumri hverju og er ákveðið í byrjun árs hverjir halda mótin um sumarið. Markmiðið er þó að síðasta mót sumarsins sé haldið að Jaðri hjá Golfklúbbi Akureyrar.

2.      Aldursflokkar verða eftirfarandi

a)     17-21 ára (piltar og stúlkur) spila 18. holur, piltar af gulum teigum og stúlkur af rauðum teigum

b)     15-16 ára (drengir og telpur) spila 18 holur, drengir af gulum teigum og telpur af rauðum teigum.

c)     14 ára og yngri sem að spila 18 holur af rauðum teigum, bæði strákar og  stelpur.

d)   12 ára og yngri sem að spila 9 holur af rauðum teigum, bæði strákar og stelpur.

e)     Byrjendaflokkur, strákar og stelpur - 12 ára og yngri. spila á sérteigum. Jafnvel völlum uppsettum á æfingasvæðum klúbbanna ef svo ber undir. Geta spilað 6-9 holur og það er í raun í valdi hvers klúbbs hvernig framkvæmdin verður.

Stefnt er að því að á 9 holu völlunum verði ræst út í tvennu lagi þannig að eldri flokkarnir ræsi fyrst um morguninn og klári sína keppni áður en að yngri flokkum ljúki. 

                         Mótsstjórn áskilur sér rétt til breytinga ef þurfa þykir. 

Miðað er við fæðingarár barna þannig er elsti flokkurinn miðaður við keppendur fædda 1998-1994 o.s.frv.

Vegna sérstakra aðstæðna verður heimild að stytta keppni, t.d. vegna veðurs eða mikils fjölda keppenda.

 3.      Stigagjöf. 

·        4-5 mót haldin á hverju sumri

·        3 bestu mót hvers einstaklings telja.

 

Samkvæmt stigagjöf unglingamótaraðar GSÍ

Sjá upplýsingar vinstra megin á síðunni. 

Ef að keppendur eru jafnir þá ber að leggja saman stigasætin og deila með þeim fjölda sem að eru jafnir. Ef að hins vegar keppendur eru t.d. jafnir í 1-2 sæti og úrslit eru útkljáð með bráðabana þá hlýtur sigurvegarinn úr bráðabananum stigin skv. sætinu.

Í aldursflokkunum skal keppt höggleikur án forgjafar.

Mótaskráin sést vinstra megin á síðunni.

Skráning skal verða á netinu í þessum mótum og skal henni lokið eigi seinna en tveimur dögum fyrir mót til að tími gefist til að undirbúa framkvæmd mótsins.

Það verður síðan algjörlega í höndum klúbbanna hvort/hvernig þeir hafa pútt og/eða vippkeppnir.

Verðlaun

 

Þrjú bestu mót gilda til stiga í mótaröðinni og verða verðlaun fyrir mótaröðina í heild veitt á lokamótinu á Akureyri . Einnig verði veitt verðlaun í hverju móti nándarverðlaun og verðlaun fyrir vipp og pútt eftir því sem heimaklúbbar ákveða. Þá verða einnig veitt í hverju móti verðlaun fyrir þrjú efstu sæti í hverjum flokki.

Allir þáttakendur í byrjendaflokkum fá viðurkenningar/verðlaunapeninga. 

Í verðlaunasæti eru veittir verðlaunapeningar.

Þá skal einnig veita verðlaun fyrir flesta punkta í þeim flokkum sem leika 18 holur

   Til leiðbeiningar fyrir mótshaldara af fenginni reynslu: 

• Lagt er til að mótsgjald verði 1.500 krónur á barn. Innifalið í því veisla í lokin fyrir börn og fylgifiska.
• Lögð er áhersla á að mjög mikilvægt er að útvega allmarga starfsmenn á mótin, þannig að þau gangi þokkalega smurt fyrir sig. Æskilegt er að hafa starfsmenn úti á velli, t.d. til að finna týnda bolta o.fl.
• Lagt er til að útbúið sé samræmt reglublað sem allir fái með grunnreglum. T.d. öll högg að bolta telja, þótt bolti hreyfist ekki. Eins varðandi reglur um víti o.þ.h. Á þessu blaði verða einnig upplýsingar um dómara mótsins.
• Lögð sé áhersla á að einhver fullorðinn sé í hverju holli með yngri spilurum og útbúin séu skráningarblöð, þar sem hægt er að skrá (merkja við) skor allra í hollinu. Þetta er gert þar sem mörg börn virðast eiga mjög erfitt með að telja höggin.
• Lagt er til að eftir að 12 högg hafa verið slegin í byrjandaflokknum, sé kúla tekin upp og skrifað 12 á skorblaðið.