Samráðsfundur um mótaröðina

Samráðsfundur golfklúbbanna á Norðurlandi sem að standa að mótaröðinni var haldinn á Akureyri 9.febrúar s.l.

Góð mæting var frá þeim klúbbum sem að standa að mótaröðinni.

Búið er að uppfæra mótafyrirkomulagið fyrir sumarið og er það að finna hér vinstra megin á síðunni.

Búið er að negla niður mótin fyrir sumarið:

13.júní á Dalvík, 4. júlí á Sauðárkróki, 27. júlí á Ólafsfirði og 29.ágúst á Akureyri.  Þá er einnig stefnt að því að halda sveitakeppni klúbbanna á Húsavík 10.ágúst.

Það er því spennandi sumar framundan á mótaröðinni okkar.

 

Stigagjöf uppfærð

Stigagjöf hefur verið uppfærð, ef einhverjar villur hafa læðst inn endilega að láta vita á [e-mail]. Mig langar að óska öllum verðlaunahöfum til hamingju. Öll úrslit í aldurflokkum eru á golf.is en úrslit í byrjendaflokki eru á gagolf.is.

Þeim sem stóðu að stofnun mótaraðarinnar og þeirra sem hafa starfað við hana vil ég þakka samstarfið.

Kveðja,
Snorri Bergþórsson GA

Uppkast af rástímum

Linkurinn hér að neðan er af rástímum á Greifamótinu. ATH. þetta er eingöngu uppkast, endanlegir tímar birtast á www.golf.is seinnipart laugardags. Þeir/þær sem eru skráð í byrjendaflokk þá sjáið þið hvenær áætlaðir rástímar eru þó nöfn séu ekki komin inn.

Skrár tengdar þessari bloggfærslu:

• Greifamót, rástímar

Skráning

Ég vil minna á að skráning lýkur á föstudaginn kl. 12:00. Þar sem raðað er upp eftir stöðu í Norðurlandsmótaröðinni þá er mjög mikilvægt að skráning berist á réttum tíma því skráning sem kemur of seint getur riðlað allri strollunni. Meiri vinna liggur á bak við þetta svona, ég bið því klúbbanna að árétta þetta við sína iðkendur.

Einnig vil ég árétta það sem kom fram í auglýsingunni frá okkur að skráningar fara fram á golf.is en ekki í gegnum póstföng eða símtöl nema í neyð.

Sætin á mótaröðinni

Búið er að uppfæra stigin til Norðurlandmeistara eftir stigafjölda. Hingað til hefur uppröðunin verið eftir stafrófsröð en nú er þetta komið í röð eftir fengnum stigum í hverjum aldursflokki fyrir sig. Þeir sem ekki það vita þá telja eingöngu þrjú mót af fjórum. Falla þau stig niður sem minnst vega ef tekið er þátt í fjórum mótum. Sætaröðin getur því mikið breyst eftir síðasta mót sem haldið verður á Akureyri þann 30. ágúst.

Skráning hafin

Opnað hefur verið fyrir skráningu í fjórða og síðasta mótið í Norðulandsmótaröðinni. Það mót fer fram á Akureyri 30. ágúst og hvetjum við sem flesta að skrá sig sem fyrst svo skipulagning mótsins verði sem best úr garði gerð. Skráningu lýkur á hádegi 28. ágúst.

Stigagjöf uppfærð

Stigagjöf eftir 3. mótið hefur öll verið uppfærð hér vinstra megin á síðunni.

3. mótið

Skráningu er nú lokið og rástímar komnir inn á golf.is. Þetta verður fjölmennasta mótið af þeim þremur sem haldin hafa verið en 97 keppendur hafa skráð sig til leiks. Fyrirkomulag mótsins hefur aðeins breyst en þeir sem fara 18 holur byrja seinni hringin á undan þeim sem fara 9 holur og því ætti að vera minni bið en hefur verið.

Skráning er hafin

Skránig er hafin í mótið á Ólafsfirði. Endilega að skrá sig sem fyrst svo mótshaldarar geti gert sér grein fyrir stærð mótsins.

Stigin uppfærð

Þá er stigagjöf fyrir tvö fyrstu mótin komin inn. Fyrri stigin eru fyrir Dalvík en þau seinni fyrir Krókinn. Ef "xx" er fyrir aftan þá hefur viðkomandi ekki verið í því móti. Stigagjöf er eftirfarandi, 20 stig fyrir 1. sætið, 17, 14, 12, 10, 8, 6, 5, 4, 3 fyrir 10. sætið. 2 stig fá allir þeir sem tóku þátt í mótinu en ekkert ef ekki er mætt. Stigagjöfina er hægt að finna hér til vinstri.