Dagsetningar fyrir sumarið 2013 komnar inn

Þá er búið að ákveða dagsetningar fyrir mótaröðina í sumar en þær eru þessar:

Dalvík 9.júní

Sauðárkrókur 30.júní

Ólafsfjörður 30.júlí

Akureyri 1.september

Fyrirkomulagið verður með svipuðu sniði og undanfarin ár. Þó ber að áretta að til að geta tekið þátt í mótunum verða keppendur að vera skráðir í einhvern golfklúbb hér Norðanlands.

Þá er líka rétt að benda á að þeir sem að taka þátt í byrjendaflokki mega ekki vera búnir að fá forgjöf.  Ef keppandi sem byrjar t.d. fyrsta mót í byrjendaflokki fær síðan forgjöf fyrir næsta mót þá þarf viðkomandi að fara í sinn aldursflokk á næsta móti.

Nú er  bara um að gera að vera dugleg að æfa og koma öll sterk til leiks í sumar.

Sjáumst öll hress á mótaröðinni í sumar :)

 

Norðurlandsmótaröðinni lokið þetta árið

Norðurlandsmótaröð barna og unglinga er lokið þetta árið.  Síðasta mótið var haldið á Jaðarsvelli sunnudaginn 2.september. Hægt er að sjá öll úrslit í mótinu sjálfu á www.golf.is Mikil spenna var í flestum flokkum um það hver myndi standa uppi sem sigurvegari í heildarstigakeppninni. Hægt er að sjá öll stig þátttakenda hér til hliðar á síðunni en 3 bestu mótin töldu.

Norðurlandsmeistarar 2012 eru:

12 ára og yngri:

Snædís Ósk Aðalsteinsdóttir GHD og Sveinn Margeir Hauksson GHD

14 ára og yngri:

Ólöf María Einarsdóttir  GHD og Kristján Benedikt Sveinsson GA

15-16 ára:

Birta Dís Jónsdóttir GHD og Ævarr Freyr Birgisson GA

17-18 ára

Jónína Björg Guðmunsdóttir GHD og Arnar Geir Hjartarson GSS

Myndin er af Norðurlandsmeisturunum í 14-18 ára flokkunum.

Lokamótið í mótaröðinni framundan

Lokamótið í Norðurlandsmótaröðinni verður á Jaðarsvelli á Akureyri sunnudaginn 2. september n.k. - skráning er þegar hafin á www.golf.is

Hægt er að sjá stöðuna á stigagjöfinni á síðunni, en mikil spenna er í mörgum flokkum.

Hvetjum alla til að mæta á þetta lokamót á hinum stórskemmtilega Jaðarsvelli

3.mótinu lokið og stigagjöfin uppfærð

3.mótinu í Norðurlandsmótaröðinni er lokið. Opna S1 mótið á Ólafsfirði. Hægt er að sjá öll úrslit á www.golf.is

Stigagjöfin í öllum flokkum hefur verið uppfærð og hægt er að sjá hana hér til hliðar á síðunni.

4. og síðasta mótið verður síðan haldið á Akureyri sunnudaginn 2. september og þar verða nýjir Norðurlandsmeistarar krýndir í öllum flokkum.

Næsta mót - Ólafsfjörður 31.júlí

Þriðja mótið í Norðurlandsmótaröðinni  - S1 mótið -  verður á Ólafsfirði þriðjudaginn 31.júlí n.k.

Skráning er þegar hafin á golf.is en einnig er hægt að skrá sig í síma 863-0240 eða á netfangið [e-mail].

Nú er um að gera að fjölmenna á Ólafsfjörð

Nýprent mótinu lokið

2. mótið í mótaröðinni - Nýprent Open var haldið á Hlíðarendavelli á Sauðárkóki sunnudaginn 1.júlí s.l.

75 þátttakendur tóku þátt í mótinu.

Hægt er að sjá upplýsingar um mótið á www.golf.is og einnig inni á gss.blog.is

Þá hefur stigagjöfin verið uppfærð á síðunni eftir þetta mót. Töluverð spenna er komin í flokkana og alveg ljóst að hart verður barist í næsta móti sem verður haldið á Ólafsfirði 31.júlí n.k.

Nýprent Open 1.júlí

Nýprent Open barna- og unglingamótið verður haldið 1. júlí n.k. á Hlíðarendavelli á Sauðárkróki

 

Mótið hefst kl. 08:00, sunnudaginn 1.júlí og verða elstu ræstir út fyrst og yngstu síðast. Ræst verður í tvennu lagi og verðlaunaafhending verður einnig í tvennu lagi.
 
Mótið er fyrir alla, byrjendur sem lengra komna.
 
Mótið er flokkaskipt og kynjaskipt.

Flokkarnir eru þessir:
 

17-18 ára drengir og stúlkur – 18 holur

15-16 ára drengirog stúlkur – 18 holur

14-ára og yngri drengir og stúlkur – 18 holur

12 ára og yngri drengir og stúlkur sem spila 9 holur

Byrjendaflokkur drengir og stúlkur spilar 9 holur af sérstaklega styttum  teigum
 

Opnað hefur verið fyrir skráningu á www.golf.is
 
Nándarverðlaun verða veitt og vippkeppni í öllum flokkum

Viðurkenning fyrir flesta punkta með forgjöf á 18 holum í drengja- og stelpuflokkum, virk forgjöf er skilyrði.

  
Mótsgjald er 1.500 kr

 

 

Næsta mót á mótaröðinni

Búið er að fella niður mótið sem átti að vera á Húsavík 22.júní n.k.

Mót númer 2 í mótaröðinni verður því á Hlíðarendavelli á Sauðárkróki sunnudaginn 1.júlí - Nýprent Open -

Skráning á mótið er þegar hafin.

Þá er búið að uppfæra stigagjöfina eftir fyrsta mótið á Dalvík

Fyrsta mótið í Norðurlandsmótaröðinni

Fyrsta mótið í Norðurlandsmótaröð barna-og unglinga verður haldið á Dalvík sunnudaginn 10.júní. Skráning er þegar hafin á www.golf.is

Í tengslum við þetta mót er haldið golfævintýri á föstudegi og laugardegi fyrir mótið.

Samráðsfundur á Jaðri í dag

Samráðsfundur var haldinn í golfskálanum á Jaðri í dag til að fara yfir ýmis atriði tengd Norðurlandsmótaröðinni. 

Mætt voru: Halla og S.Anna frá GA, Rósa frá GÓ og Hjörtur frá GSS.

Farið var yfir þróun mótsins frá upphafi, flokkaskiptingu sem verður óbreytt frá fyrra ári. Þá var farið yfir samræmingu á hlutverki ræsis í mótinu, keppnisfyrirkomulagið, mótaskrána, sem hægt er að sjá hér vinstra megin á síðunni ( drög sem klúbbarnir eiga eftir að samþykkja endanlega). Að lokum var rætt um styrktarmál.

Fundurinn var mjög góður og nauðsynlegt að halda svona fundi til samræmingar og gera þannig góða mótaröð enn betri.

/hg