Lokamótið - Norðurlandsmeistarar krýndir

Lokamótinu í mótaröðinni er lokið - Greifamótinu á Akureyri.

Hægt er að nálgast öll úrslit á www.golf.is

Við viljum þakka öllum sem að tóku þátt í mótaröðinni þetta árið og komu að henni að einhverju leyti einnig. Þá viljum við þakka hinum fjölmörgu styrktaraðilum fyrir þeirra þátt.

Norðurlandsmeistarar 2011 eru:

12 ára og yngri drengir: Agnar Daði Kristjánsson GH 4.200 stig

12 ára og yngri stúlkur: Magnea Helga Guðmundsdóttir GHD 4.200 stig

14 ára og yngri drengir: Tumi Hrafn Kúld GA 4.500 stig

14 ára og yngri stúlkur: Birta Dís Jónsdóttir GHD 4.500 stig

15-16 ára drengir: Ævarr Freyr Birgisson GA 4.200 stig

15-16 ára stúlkur: Þórdís Rögnvaldsdóttir GHD 4.200 stig

17-18 ára drengir: Sigurður Ingvi Rögnvaldsson GHD 4.500 stig

17-18 ára stúlkur: Brynja Sigurðardóttir GÓ 4.500 stig

Síðasta mótið nálgast

Nú styttist óðum í síðasta mótið í Norðurlandsmótaröðinni en það verður haldið á Akureyri sunnudaginn 4. september. Við viljum hvetja alla til að taka þátt.  Keppnin í heildarstigakeppninni er æsispennandi eins og sjá má hér vinstra megin á síðunni.

Þriðja mótinu lokið og stigagjöfin uppfærð

Þriðja mótinu í Norðurlandsmótaröðinni - S1 mótinu á Ólafsfirði er lokið og búið er að uppfæra alla stigagjöf í flokkunum eftir það.  Línur eru teknar að skýrast í nokkrum flokkum en í öðrum er töluverð spenna ennþá.

Til gamans er gaman að rýna aðeins í fjöldann sem að tekið hefur þátt í mótunum.

17 - 18 ára hafa 6 tekið þátt

15 - 16 ára hafa 15 tekið þátt

14 ára og yngri hafa 33 tekið þátt

12 ára og yngri hafa 25 tekið þátt

Byrjendaflokkar hafa 20 tekið þátt.

Þetta gerir því samtals 99 þátttakendur

Öðru mótinu lokið og stigin hafa verið reiknuð

Nú þegar öðru móti mótaraðarinnar er lokið þá hafa stigin verið reiknuð út og sjást þau til hlíðar hér á síðunni.

Nýprent mótið var haldið á Hlíðarendavelli, Sauðárkróki s.l. sunnudag og mættu yfir 80 keppendur til leiks.

Hægt er að sjá úrslit og fjölda mynda frá mótinu á heimasíðu unglingastarfs Golfklúbbs Sauðárkróks - gss.blog.is

 Næsta mót verður síðan þriðjudaginn 19.júlí á Ólafsfirði.

Næsta mót í mótaröðinni - Nýprent Open á Sauðárkróki

Fyrsta mót í Norðurlandsmótaröðinni var haldið á Dalvík sunnudaginn 26.júní Intersport Open.  84 keppendur voru og mótið hið glæsilegasta í alla staði.

Næsta mót verður síðan á Hlíðarendavelli á Sauðárkróki n.k. sunnudag 3.júlí - Nýprent Open -

Opnað hefur verið fyrir skráningu og viljum við hvetja alla til að mæta.

Fyrsta mótið á mótaröðinni

Fyrsta mótið í Norðurlandsmótaröðinni verður haldið sunnudaginn 26.júní n.k. á Dalvík.

Keppt verður í öllum flokkum skv. mótafyrirkomulagi mótaraðarinnar sem að er að finna hér á síðunni.

Við viljum hvetja alla kylfinga 18 ára og yngri á Norðurlandi að fjölmenna á þetta fyrsta mót mótaraðarinnar.

Skráning fer fram á www.golf.is

Í tengslum við þetta mót verður haldið Golfævintýri á Dalvík og hefst það á fimmtudagskvöldið 23.júní og stendur fram á sunnudag.

Annað mótið í mótaröðinni verður síðan á Sauðárkróki sunnudaginn 3.júlí.

Fundur vegna Norðurlandsmótaraðarinnar 2011

Miðvikudaginn 2. mars s.l. var haldinn samráðsfundur Golfklúbbanna á Norðurlandi vegna Norðurlandsmótaraðar unglinga sumarið 2011.  Fundurinn var haldinn í golfskálanum á Akureyri og á hann mættu fulltrúar frá Golfklúbbi Akureyrar, Golfklúbbnum Hamri á Dalvík, Golfklúbbi Ólafsfjarðar og Golfklúbbi Sauðárkróks.

Á fundinum var ákveðið að hafa aldursskiptingu óbreytta frá því í fyrra.  Eftirtaldir flokkar keppa til Norðurlandsmeistaratitils. 

12 ára og yngri, 14 ára og yngri, 15-16 ára og 17-18 ára. Einnig verður keppt í byrjendaflokki en ekki verður veittur Norðurlandsmeistaratitill í þeim flokki.

Mótaniðurröðun sumarsins var einnig sett upp fyrir höggleiksmótin. Þá var ákveðið að reyna að halda sérstakt holukeppnismót á Húsavík um miðbik sumars þar sem að efstu keppendur í hverjum flokkum myndu keppa. Væntanlega verður búið að spila þrjú mót þegar þetta mót verður og verða tvö bestu sem telja til þáttöku í holukeppnismótið.

Dagsetningar og staðsetningar mótaraðarinnar:

• 1. 26. júní / sunnudagur - 1. mót í stigakeppni - Dalvík
• 2. 3. júlí / sunnudagur - 2. mót í stigakeppni - Sauðárkrókur
• 3. 19. júlí / þriðjudagur - 3. mót í stigakeppni - Ólafsfjörður
• 4. ???? /????: Húsavík - Norðurlandsmót í holukeppni - Húsavík
• 5. 4. september/ sunnudagur - 4. mót í stigakeppni - Akureyri

Að lokum var ákveðið að breyta stigagjöfinni til samræmis við það sem að gerist á mótaröðum GSÍ. Stigagjöfin verður sýnd á uppfærðu mótafyrirkomulagi hér vinstra megin á síðunni.

 

Norðurlandsmótaröðinni lokið - meistarar krýndir

Lokamótið í Norðurlandsmótaröðinni var leikið á Akureyri 29.ágúst á Jaðarsvelli.  Fjölmargir mættu á þetta mót og var völlurinn frábær ásamt allri umgjörð mótsins, sannarlega góður lokapunktur á skemmtilegt golfsumar hér norðanlands.  Úrslit í mótinu sjálfu er að finna á www.golf.is en í lok móts voru nýir Norðurlandsmeistarar krýndir á öllum flokkum.  Búið er að reikna út stigagjöf allra eftir sumarið og er hægt að finna hana hér til vinstri á síðunni.

Norðurlandsmeistarar eru hins vegar þessi:

12 ára og yngri drengir: Jón Heiðar Sigurðsson GA

12 ára og yngri stúlkur: Ólöf María Einarsdóttir GHD

14 ára og yngri drengir: Kristján Benedikt Sveinsson GA

14 ára og yngri stúlkur: Stefanía Elsa Jónsdóttir GA

15-16 ára drengir: Björn Auðunn Ólafsson GA

15-16 ára stúlkur: Jónína Björg Guðmundsdóttir GHD

17-18 ára drengir: Sigurður Ingvi Rögnvaldsson GHD

17-18 ára stúlkur: Stefanía Kristín Valgeirsdóttir GA

 

 

 

Lokamótið á Akureyri framundan

Greifamótið - Unglingamótaröð Norðurlands

Fjórða mót Norðurlandsmótaraðarinnar verður haldið á Jaðarsvelli á Akureyri

sunnudaginn 29. ágúst

Höggleikur án forgjafar

Vipp keppni að loknum hring.

Keppt verður í eftirfarandi flokkum:

Stúlkur 12 ára og yngri, rauðir teigar, 9 holur

Stúlkur 14 ára og yngri, rauðir teigar, 18 holur

Stúlkur  15-16 ára, rauðir teigar, 18 holur

Stúlkur 17-18 ára, rauðir teigar, 18 holur

Stúlkur byrjendur, sérteigar, 9 holur

Drengir 12 ára og yngri, rauðir teigar, 9 holur

Drengir 14 ára og yngri, rauðir teigar, 18 holur

Drengir 15- 16 ára, gulir teigar, 18 holur

Drengir 17-18 ára, gulir teigar,18  holur

Drengir byrjendur, sérteigar, 9 holur

 

Veitt verða verðlaun fyrir 3 efstu sætin í hverjum flokki og einnig verða veitt verðlaun

fyrir flest stig í vipp-keppninni í hverjum flokki.

Veitingar í boði að leik loknum.

Byrjað verður að ræsa út kl. 8.00 

Mótsgjald kr. 1.500

Skráning og upplýsingar á www.golf.is 

Skráningu lýkur föstudaginn 27.ágúst kl. 12:00

 

 

Stigagjöfin uppfærð

Nú er þremur mótum lokið í mótaröðinni og spennan er orðin mikil í öllum flokkum um Norðurlandsmeistaratitilinn.  Ekki munar nema nokkrum stigum á efstu kylfingum í flestum flokkum.  Stigagjöfina í öllum flokkum má finna hér til hliðar á síðunni.

Þá er einnig gaman að taka saman þann fjölda sem að hefur spilað í öllum flokkum það sem af er.

í flokki 12 ára og yngri hafa 28 tekið þátt

í flokki 14 ára og yngri hafa 52 tekið þátt

í flokki 15-16 ára hafa 10 tekið þátt

í flokki 17-18 ára hafa 8 tekið þátt

Í byrjendaflokknum hafa einnig fjölmargir tekið þátt.

Á Dalvík voru 18, á Sauðárkróki 20 og á Ólafsfirði voru 28 keppendur.